Føroyingar seta Merkið á heimsins tindar

Fyrilestur við Arna Vatnhamar

Fríggjakvøldið tann 23. mars kl 18.30.

Ongantíð áður hevur Merkið verið borið hægri, enn tá føroyingar á fyrsta sinni settu tað á hægsta tindin uttanfyri Himaleya fjøllini.

Eftir tvær vikur í tunnari luft, vánaligum veðri, og við hæddarsjúku, mateitran og motivatiónstrupulleikum, náddu teir tríggir Súni Lamhaugi, Djóni úr Konoy og Arni Vatnhamar tindin á Aconcagua í Argentina og megnaðu soleiðis at gerast partur av teimum 30% av 7.000 menniskjum, ið á hvørjum ári bjóða hesum mæta fjalli av.

Tað var 25. januar 2012, at teir tríggir kundu njóta eitt óvanliga vakurt útsýni við bláum klárum himli í 6.962 metra hædd – hægri enn vanliga flúgvihæddin á rutuni millum London og Paris.

Føroyski bólkurin taldi upprunaliga 5 mans, men teir báðir – Jón Fossá og Brandur í Funningsstovu – máttu geva skarvin yvir á vegnum til toppin – Brandur einans 250 metrar frá toppinum.

Fríggjakvøldið tann 23. mars 2012 kl. 18.30 verður høvi at hoyra Arna Vatnhamar siga frá og vísa myndir frá túrinum. Arni fer millum annað at greiða frá, hvør motivatiónin at gera slíkar túrar er, hvussu fyrireikingarnar vóru, og um mót- og viðgang á túrinun.

Húsið selur fiskasuppu.

Ókeypis atgongd.

Føroyahúsið skipar fyri.